“అంతర్జాతీయ తెలుగు మహాసభలకు ప్రచార కార్యదర్శిగా డా.వాసరవేణి”

ఎల్లారెడ్డిపేట

రాజమహేంద్రవరంలో 2024 లో జనవరి 5,6,7 తేదీ లలో ఆంధ్ర సారస్వత పరిషత్తు ఆధ్వర్యంలో 2వ. అంతర్జాతీయ మహాసభలు జరుగుతున్నాయి. సమన్వయకర్త కె. రాంప్రసాద్ సూచనమేరకు ఆంధ్ర సారస్వత పరిషత్తు అధ్యక్షుడు డి.గజల్ శ్రీనివాస్ ఈ అంతర్జాతీయ తెలుగు మహాసభలకు ప్రచార కార్యదర్శిగా ఎల్లారెడ్డిపేట మండలం సింగారం గ్రామానికి చెందిన డా.వాసరవేణి పరుశురాం ను నియమించారు. ఈ సందర్భంగా డా. వాసరవేణి పరుశురాం మాట్లాడుతూ తెలుగు భాషా ఔన్నత్యాన్ని ప్రపంచానికి చాటుతున్న ఈ సభలకు తనను ప్రచారకార్యదర్శిగా నియమించడం సంతోషంగా ఉందని తనపై పెట్టిన బాధ్యత ను సమర్ధవంతంగా నిర్వహిస్తానని పరుశురాం తెలిపారు. తెలుగు భాషా మన మాతృభాషననీ తల్లిదండ్రులు నేర్పిందనీ ,మన సంస్కృతి, మాతృభాష గొప్పదనీ దీనిని ప్రపంచానికి చాటాలని తెలిపారు.