బలగం టీవీ, రాజన్న సిరిసిల్ల:
స్థానిక విద్యానగర్లోని నారాయణ పాఠశాలలో గురువారం రోజున ‘స్టూడెంట్ లెడ్ కాన్ఫరెన్స్’ (SLC) కార్యక్రమాన్ని అత్యంత ఘనంగా నిర్వహించారు. విద్యార్థులలోని సృజనాత్మకతను, అంతర్గత నైపుణ్యాలను వెలికితీయడమే లక్ష్యంగా చేపట్టిన ఈ కార్యక్రమం అందరినీ ఆకట్టుకుంది.
ఈ కార్యక్రమానికి ముఖ్య అతిథిగా నారాయణ విద్యాసంస్థల జీఎం (GM) గోపాల్ రెడ్డి హాజరయ్యారు. ఈ సందర్భంగా ఆయన మాట్లాడుతూ.. “పిల్లల్లో దాగి ఉన్న అంతర్గత నైపుణ్యాలను వెలికి తీయడానికి, వారిలోని ప్రతిభను మెరుగుపరచుకోవడానికి ఈ SLC కార్యక్రమం ఒక చక్కటి వేదికలా తోడ్పడుతుంది. దీనివల్ల విద్యార్థుల్లో కమ్యూనికేషన్ స్కిల్స్ గణనీయంగా మెరుగుపడతాయి” అని పేర్కొన్నారు. ప్రతి ఏటా ఇటువంటి అర్థవంతమైన కార్యక్రమాలను నిర్వహిస్తున్న నారాయణ యాజమాన్యాన్ని ఆయన అభినందించారు. భవిష్యత్తులో మరిన్ని వినూత్న కార్యక్రమాలతో విద్యార్థుల సమగ్ర వికాసానికి కృషి చేస్తామని తెలిపారు.
ఈ కార్యక్రమంలో నారాయణ విద్యాసంస్థల డీజీఎం (DGM) వెంకటరమణారెడ్డి, ఏజీఎం (AGM) చైతన్య రావు, ఆర్ఐ (RI) చీటీ సత్యం రావు, పాఠశాల ప్రిన్సిపల్ శాంతి కిరణ్, అకాడమిక్ డీన్, వైస్ ప్రిన్సిపాల్స్, అడ్మినిస్ట్రేషన్ ఆఫీసర్, ఉపాధ్యాయ బృందం, విద్యార్థులు మరియు వారి తల్లిదండ్రులు పెద్ద సంఖ్యలో పాల్గొన్నారు.